Supermercat de l'art

Waooo! 20 ans! per una immersion totala dins un mond estonament creatiu, sacrament fòl e en constanta mutacion, amb de seradas boumboum bandàs, 8 postèrs collectors editats pels 20 ans, de totebags originals per recaptar vòstras crompas!!!! Ludic, intuitiu, e sustot inventiu lo Supèr Mercat de l'Art de Rinhac vos liura un viatge oniric explorant l'estampa, la pintura, lo dessenh, lo libre d'artista, l'escultura, l'objècte rar e curiós. Brèu, venètz tocar, somiar, crompar, de vertadièrs trabalhs d'artistas a de prèses benvolents, pendent 3 jorns!